Dünya

Prezident seçkilərində iştirak etməyəcək

1 Yanvar 2026 20:26
Baxış: 1 792
VTB-də minimal faiz dərəcəsi ilə nağd kredit 9.9%-dən
#FRANCE

Fransa Prezidenti Emmanuel Makron 2027-ci ildə başa çatacaq səlahiyyət müddətinin sonunadək vəzifəsində qalmaq niyyətində olduğunu açıqlayıb.

Milli.Az xəbər verir ki, Makron bu barədə Yeni il münasibətilə vətəndaşlara müraciətində bildirib.

"Fransa vətəndaşlarının mənə etibar etdiyi mandatın tələblərinə uyğun olaraq, son saniyəyədək, hər gün çalışmağa davam edəcəyəm", - deyə Fransa prezidenti vurğulayıb.

Dövlət başçısı eyni zamanda qarşıdan gələn prezident seçkilərində namizəd olmayacağını da təsdiqləyib. Onun sözlərinə görə, 2026-cı ilin sonuna doğru 2027-ci il prezident seçkilərinə hazırlıq prosesi başlayacaq və bu, son on il ərzində onun iştirak etmədiyi ilk prezident kampaniyası olacaq.

Makron qeyd edib ki, seçkilərin mümkün qədər sakit və şəffaf şəkildə keçirilməsi, xüsusilə də xarici müdaxilənin qarşısının alınması üçün əlindən gələni edəcək.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.