İdman

Mourinyodan sonra bunu bacaran ən gənc baş məşqçidir

20 May 2026 18:50
Baxış: 321
VTB-də minimal faiz dərəcəsi ilə nağd kredit 9.9%-dən
#JOZE MOURİNYO #FUTBOL #PREMYER LİQA #ARSENAL

"Arsenal"ın 44 yaşlı baş məşqçisi Mikel Arteta, 2005/2006 mövsümündə "Çelsi" ilə titul qazanan 43 yaşlı Joze Mourinyodan bəri İngiltərə Premyer Liqası titulunu qazanan ən gənc baş məşqçidir.

Milli.Az İdman.Biz-ə istinadən bildirir ki, Artetanın rəhbərliyi altında "Arsenal" 22 illik fasiləyə son qoyaraq 2025/26 mövsümündə çempion titulu qazanıb. Bu barədə hesablamanı "Opta Sport" özünün Telegram kanalında paylaşıb.

Mayın 19-da "Arsenal", 2025/26 mövsümündə İngiltərə Premyer Liqasının çempion titulunu erkən qazanıb. "Arsenal" 22 ildən sonra ilk dəfə Premyer Liqa çempionu olub. Bu, Premyer Liqanın 37-ci turundan sonra baş verib. Bu turda "topçular" "Bernli"ni məğlubiyyətə uğradıblar, "Mançester Siti" isə "Bornmut"la 1-1 hesablı heç-heçə edib.

"Arsenal" 82 xal qazanaraq İngiltərə çempionu olub. "Mançester Siti" isə 37 oyundan sonra 78 xalla ikinci yerdədir. Xosep Qvardiolanın komandası riyazi olaraq titul qazanmaq şansını itirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.