Dünya

Alimlər kvant fizikasında illərdir mövcud olan səhvi düzəltdilər

3 Yanvar 2026 00:30

Baxış: 289

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI

Alimlər kvant fizikasının ən mühüm qanunlarından birində illərdir mövcud olan ciddi bir səhvi düzəldiblər.

Milli.Az xəbər verir ki, fiziklər kvant məlumatlarının ötürülməsində əsas rol oynayan "Ştayn lemması" adlı teoremdəki riyazi boşluğu aradan qaldırıblar. Bu düzəliş sayəsində kvant sistemlərinin necə işlədiyini izah edən qaydalar yenidən etibarlı hesab olunub.

Kvant informasiya nəzəriyyəsi məlumatların ən kiçik hissəciklər vasitəsilə necə saxlandığını öyrənir. Uzun müddət idi ki, bu sahədə istifadə olunan əsas düsturlardan birinin sübutunda məntiqi səhv olduğu bilinirdi. Bu isə bir çox elmi araşdırmaların doğruluğuna şübhə yaradırdı. Yeni araşdırma ilə alimlər həmin səhvi düzəldərək kvant dünyasında "nizam qaydası"nı bərpa ediblər.

Tədqiqat göstərir ki, kvant enerjisi və resursları müəyyən bir qanunauyğunluqla bir-birinə çevrilir. Bu qayda fizika elmindəki məşhur termodinamika qanunlarına çox bənzəyir. Alimlər bu nailiyyəti kvant texnologiyaları üçün "ikinci qanunun" yenidən doğulması kimi qiymətləndirirlər. Bu yenilik gələcəkdə daha sürətli və güclü kvant kompüterlərinin yaradılmasına kömək edəcək.

Qeyd edək ki, bu kəşf kvant cihazlarının imkanlarını daha dəqiq hesablamağa imkan verəcək.

İsmayıl
Milli.Az