Dünya

Şahzadənin qızları diqqət mərkəzində

2 Noyabr 2025 10:40
Baxış: 794
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI

Şahzadə Endryu və Sara Ferqyusonun qızları, Beatris və Yevgeniya valideynləri ətrafında yaranan qalmaqala görə diqqət mərkəzinə düşüblər.

Milli.Az xarici mediaya istinadən xəbər verir ki, III Çarlzın yaxın günlərdə Endryunun titul və rütbələrinin ləğvi ilə bağlı prosesi rəsmi şəkildə başladığı bildirilir. Bundan əlavə, kralın qardaşı və keçmiş həyat yoldaşı Kral Lojasını tərk edərək yeni bir iqamətgaha köçmək məcburiyyətində qalıblar.

"Page Six"in məlumatına görə, kral ailəsi üzrə ekspert bu vəziyyətin Endryunun ailəsi, xüsusilə də qızları üçün ciddi nəticələr doğura biləcəyini qeyd edib. Ekspertin sözlərinə görə, şahzadələr Beatris və Yevgeniya titullarından könüllü şəkildə imtina etmək qərarına gələ bilərlər:

"Onlar indiyə qədər məsələni sakit şəkildə, danışıqlar yolu ilə həll etməyə çalışıblar. Ancaq görünür, indi sadəcə geri çəkilib daha sakit bir həyat sürmək istəyə bilərlər".

Digər mənbələr isə bildirir ki, Endryunun bütün kral vəzifələrindən uzaqlaşdırılması zamanı onun əsas tələbi qızlarının təhlükəsizliyi və rifahının qorunması olub. O, dəfələrlə kraldan Beatris və Yevgeniyanın rahat və təhlükəsiz şəraitdə yaşamasını təmin etməsini istəyib. Hərçənd, adlarının indi kral ailəsi ilə bağlı qalmaqalla assosiasiya olunması qaçılmazdır. Bildirilir ki, şahzadələr yaranan vəziyyətə görə bir müddətlik Britaniyanı tərk ediblər.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.