Dünya

ABŞ ordusu kartellərə məxsus qayıqlara zərbə endirib - VİDEO

30 Oktyabr 2025 11:25

Baxış: 410

VTB-də yüksək depozit faizleri daha çox qazandırır

#DÜNYADA #ABŞ

ABŞ ordusu narkotik kartellərinə qarşı növbəti genişmiqyaslı əməliyyat həyata keçirib.

Milli.Az xəbər verir ki, ABŞ Müdafiə Nazirliyinin (Pentaqon) yaydığı məlumata görə, ordu qüvvələri kartellərə məxsus bir neçə qayığına zərbələr endirib.

Məlumata əsasən, əməliyyat Karib dənizi və Sakit okean bölgəsində aparılıb. Qayıqların narkotik maddələrin daşınmasında istifadə edildiyi müəyyən olunub. ABŞ Hərbi Dəniz Qüvvələri və Sahil Mühafizəsinin birgə keçirdiyi əməliyyat nəticəsində böyük miqdarda kokain və digər qanunsuz maddələr müsadirə olunub.

Pentaqon rəsmilərinin açıqlamasına görə, əməliyyatın məqsədi Cənubi və Mərkəzi Amerikadan ABŞ-a narkotik daşımalarının qarşısını almaq, eləcə də kartel şəbəkələrinin logistik infrastrukturunu məhv etməkdir.

ABŞ ordusunun bildirdiyinə görə, zərbələr nəticəsində bir neçə qayığın məhv edildiyi, bir neçə nəfərin isə saxlanıldığı qeyd olunur. Əməliyyat zamanı itki qeydə alınmayıb.

Hazırda regionda kartellərin fəaliyyətinə qarşı nəzarət tədbirləri gücləndirilib, əməliyyatların davam etdiriləcəyi bildirilir.

Mütəxəssislər hesab edirlər ki, bu addım Vaşinqtonun Latın Amerikasında artan narkotik qaçaqmalçılığına qarşı sərt mövqeyinin bir hissəsidir.

Kənan
Milli.Az