Dünya

Tramp bu ölkə liderini “narkobaron” adlandırdı - FOTO

19 Oktyabr 2025 20:17

Baxış: 1 460

VTB-də minimal faiz dərəcəsi ilə nağd kredit 9.9%-dən

#DONALD TRAMP #KOLUMBİYA

ABŞ Prezidenti Donald Tramp Kolumbiya Prezidenti Qustavo Petronu "qanunsuz narkotik lideri" kimi təqdim edərək, bu ölkəyə göstərilən bütün maliyyə yardımının dayandırıldığını açıqlayıb. Tramp həmçinin Kolumbiyada narkotik istehsalını nəzərdə tutaraq sərt xəbərdarlıq edib: "Petro bu ölüm tarlalarını dərhal bağlamalıdır, yoxsa Amerika bunu onun əvəzinə edəcək - və bu, nəzakətlə olmayacaq."

Milli.Az xəbər verir ki, Tramp sosial şəbəkə hesabında yaydığı bəyanatda Petro hökumətini "böyük və kiçik miqyaslı narkotik istehsalını təşviq etməkdə" günahlandırıb və narkotik istehsalının artıq ölkənin "ən böyük sənayesinə" çevrildiyini iddia edib.

Tramp bildirib ki, bu gündən etibarən Kolumbiyaya heç bir ödəniş və ya subsidiyanın verilməsi planlaşdırılmır.

Kolumbiya Prezidenti Gustavo Petro yaxın günlərdə Karay dənizində ABŞ tərəfindən vurulan narkotik daşıdığı iddia edilən gəminin Kolumbiya bayrağı daşıdığını açıqlamışdı.

ABŞ sentyabr ayında Kolumbiyanı narkotiklə mübarizədə uğursuz ölkələr siyahısına salmış, lakin buna baxmayaraq yardımları davam etdirmişdi.

ABŞ Dövlət Departamentinin son hesabatında bildirilir ki, Petro hakimiyyətə gəldikdən sonra Kolumbiyada koka əkini və kokain istehsalı rekord səviyyəyə çatıb.

Bu açıqlamalar Vaşinqton-Boqota xəttində gərginliyi daha da artırıb. Kolumbiya hökuməti Trampın bu bəyanatına hələ rəsmi reaksiya verməyib.

Lalə Qüdrətova
Milli.Az