Dünya

İsrail ordusu Qəzzadan çıxmağa başladı – Atəşkəs qüvvəyə mindi

10 Oktyabr 2025 10:55

Baxış: 520

VTB-də yüksək depozit faizleri daha çox qazandırır

#DÜNYADA #İSRAİL #MÜHARİBƏ

İsraillə HƏMAS arasında razılaşdırılmış atəşkəs planının birinci mərhələsi Qəzzada qüvvəyə minib. Razılaşma çərçivəsində İsrail ordusu anklavın bəzi hissələrindən çıxmağa başlayıb.

Milli.Az xəbər verir ki, bu barədə məlumat İsrail Baş nazirinin ofisi tərəfindən təsdiqlənib.

Benyamin Netanyahunun rəhbərlik etdiyi hökumət "Qəzzada müharibənin dayandırılması və bütün israilli məhbusların geri qaytarılması haqqında sazişi" təsdiqləyib.

Razılaşmaya əsasən, İsrail ilk 5 gün ərzində Qəzzaya hər gün 400 yardım maşınının girişinə icazə verəcək, sonrakı mərhələlərdə bu sayın artırılması nəzərdə tutulur.

İsrailin baş naziri Benyamin Netanyahu bunun "İsrail üçün böyük gün" olduğunu bildirib. ABŞ prezidenti Donald Trampın vasitəçiliyi ilə əldə olunan razılaşma Qətər və Misirin də dəstəyi ilə reallaşıb.

HƏMAS isə bəyan edib ki, İsrailin Qəzzanın müəyyən hissələrindən çıxması və humanitar yardımın daxil olması razılaşmanın əsas şərtləridir. Hərəkat Trampı İsrailin razılaşmaya tam əməl etməsinə nəzarət etməyə çağırıb.

Trampın təqdim etdiyi 20 maddəlik sülh planının ilk hissəsi olan bu mərhələ Qəzzada müvəqqəti atəşkəs və girovların azad edilməsini nəzərdə tutur. Sonrakı mərhələlərdə Qəzzanın idarəetməsi və HƏMAS-ın silahsızlaşdırılması məsələləri müzakirə olunacaq.

Fidan
Milli.Az