Dünya

Everest dağında faciə - Minlərlə alpinist kömək gözləyir - FOTO

6 Oktyabr 2025 19:50

Baxış: 998

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ

Çinin Tibet Muxtar Bölgəsindəki Everest dağının şərq yamacında güclü qar fırtınası səbəbindən təxminən 1000 nəfər düşərgələrdə qapalı qalıb. Sosial mediada yayılan videolarda xilasetmə qruplarının donmuş cəsədlər arasında hərəkət etdiyi görünür.

Milli.Az xəbər verir ki, çin mediasının məlumatına görə, səlahiyyətlilər dağın yüksəkliyi səbəbindən düşərgələrə girişin əngəllənməsinə səbəb olan qar yığınlarını təmizləmək üçün tədbirlər görür. Xilasetmə əməliyyatlarında yüzlərlə kəndli və "Mavi Səma Xilasetmə" komandası da iştirak edir.

Bəzi turistlərin artıq xilas edildiyi bildirilir, lakin güclü qar səbəbindən çadırlar dağılıb və bir sıra alpinistlər hipotermiyadan əziyyət çəkir.

Həmçinin, Çin hakimiyyəti Matmo qasırğasının ölkənin cənub və cənub-qərb bölgələrinə təsir göstərəcəyi barədə xəbərdarlıq edib. Nepalda isə leysan yağışların səbəb olduğu sel və torpaq sürüşməsi nəticəsində ölənlərin sayı 39-a çatıb.

Milli.Az