Dünya

100 minlərlə yaralı ola bilər - Fransada xəstəxanalar səfərbər olunur

3 Sentyabr 2025 10:39

Baxış: 3 562

VTB-də minimal faiz dərəcəsi ilə nağd kredit 9.9%-dən

#FRANCE #MÜHARİBƏ #FRANSA #XƏSTƏXANA

Fransa hökuməti ölkə üzrə bütün xəstəxanalara "böyük toqquşma" ssenarisinə hazırlaşmaq üçün rəsmi göstərişlər göndərib.

Milli.Az xəbər verir ki, bu barədə "Le Figaro" məlumat yayıb.

Məlumata əsasən, Regional Səhiyyə Agentliklərinə (ARS) verilən tapşırıqlara görə, tibb müəssisələri 2026-cı ilin martına qədər çoxsaylı yaralı hərbçiləri qəbul etməyə hazır olmalıdır. Fransa bu halda həm öz ordusunun, həm də müttəfiq dövlətlərin yaralı əsgərləri üçün arxa baza funksiyasını yerinə yetirə bilər.

Plan çərçivəsində xüsusi tibbi mərkəzlərin yaradılması, gündə 250 nəfərə qədər yaralının yerləşdirilməsi və mülki xəstəxanaların 180 gün ərzində 100 mindən 500 minədək xəstəyə xidmət göstərməsi nəzərdə tutulur. Həmçinin sənəddə bütün tibbi personalın ixtisasından asılı olmayaraq səfərbər oluna biləcəyi vurğulanır.

Bu addımlar "Milli Strateji İcmal - 2025" doktrinasının tələblərinə uyğun hazırlanıb. Sənəddə qeyd olunur ki, 2030-cu ilə qədər Avropada Fransa və müttəfiqlərin iştirakı ilə genişmiqyaslı hərbi münaqişənin baş vermə ehtimalı yüksəkdir.

Hüseyn
Milli.Az