Dünya

Ukrayna Ali Radasının eks-spikeri öldürüldü

30 Avqust 2025 14:11

Baxış: 696

VTB-də yüksək depozit faizleri daha çox qazandırır

#UKRAİNE

Ukraynada Avromaydan hərəkatının liderlərindən biri, Ali Radanın sabiq spikeri Andrey Parubiy qətlə yetirilib.

Milli.Az xəbər verir ki, Parubiy Lvov şəhərinin Sixov rayonunda odlu silahla vurulub. 54 yaşlı sabiq deputat və "Maidan" komendantı hadisə yerində dünyasını dəyişib.

Polis atəş açan şəxsi axtarır və onun şəxsiyyətini müəyyənləşdirməyə çalışır. Məlumata görə, Parubiyə qarşı bundan əvvəl də sui-qəsd törədilib - 2014-cü ildə maydanın özünümüdafiə üzvləri ilə görüş zamanı ona qumbara atılmışdı.

Qeyd edək ki, Andrey Parubiy 2013-cü ilin noyabrından 2014-cü ilin fevralınadək "Maidan"ın özünümüdafiəsinə rəhbərlik edib. O, həmçinin 2004-cü il "Narıncı inqilab"da iştirak edib, Kiyevdə keçirilən etiraz aksiyaları zamanı Ukrayna evinə rəhbərlik edib və "inqilabın görkəmli iştirakçısı" kimi mükafatlandırılıb.

Ukrayna Ali Radasının sabiq spikeri, Avromaydanın liderlərindən biri Andrey Parubiyin Lvovda qətlinin bəzi təfərrüatları da məlum olub. Ona səkkiz dəfə atəş açılıb.

Hadisəni törədən şəxs silahı çantasına qoyaraq elektrikli velosipedlə ərazidən uzaqlaşıb.

Məlumata əsasən, atəş açan şəxs "Glovo" kuryeri olub. Onun qara-sarı dəbilqə geyindiyi, üzərində sarı rəngli qutu olduğu və elektrik velosipedində hərəkət etdiyi bildirilir.

Ukrayna Prezidenti Volodimir Zelenski də Andrey Parubiyin qətlə yetirildiyini təsdiqləyib. /APA

Milli.Az