Dünya

Ukrayna müharibəsinə görə xaricə qaçmışdı - vəhşicəsinə öldürüldü

27 Avqust 2025 17:03

Baxış: 1 294

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #CİNAYƏT #ABŞ #RUSİYA-UKRAYNA MÜHARİBƏSİ

Ukraynada müharibədən qaçan qadın ABŞ-da qətlə yetirilib.

Milli.Az bildirir ki, 23 yaşlı İrina Zarutska avqustun 22-si axşam saatlarında bıçaq xəsarətləri nəticəsində ölü halda tapılıb. Hadisə saat 21:55-də Şimali Karolinada, South End yüngül relsli nəqliyyat stansiyasında baş verib.

Ukraynalı qız ABŞ-a bir müddət əvvəl, Rusiya ilə müharibədən qaçaraq gəlib. Yaxınlarının sözlərinə görə, o, "yeni bir başlanğıca ümid edirdi".

Qətli törətməkdə şübhəli bilinən 34 yaşlı Dekarlos Braun polis gələn kimi saxlanılıb. Ona birinci dərəcəli qətl ittihamı irəli sürülüb. Kişi özü də yüngül xəsarətlərlə xəstəxanaya aparılıb.

İstintaqın məlumatına görə, Braun 2011-ci ildən bəri dəfələrlə həbs olunub və zəngin cinayət tarixçəsinə malikdir. O, evsizdir. Əvvəlki ittihamların çoxu, o cümlədən ağır oğurluq, silahlı qarət və hədələmə ilə bağlı olanlar sonradan götürülüb.

Qətlin dəqiq səbəblərini hüquq-mühafizə orqanları hələ açıqlamır. /Lent.az

Milli.Az