Dünya

Putin və Tramp hərbi bazada görüşəcək

13 Avqust 2025 11:10
Baxış: 954
VTB-də minimal faiz dərəcəsi ilə nağd kredit 9.9%-dən
#DÜNYADA #PUTİN #ABŞ #DONALD TRAMP

ABŞ prezidenti Donald Tramp və Rusiya prezidenti Vladimir Putin arasında Alyaskada keçiriləcək sammit Elmendorf-Richardson hərbi bazasında baş tutacaq.

Milli.Az xəbər verir ki, CNN-in avqustun 12-də yaydığı məlumata görə, Ağ Ev bu bazanı təhlükəsizlik baxımından ştatda sammit üçün yeganə uyğun yer hesab edib.

Təşkilatçılar görüşün keçirilməsi üçün əvvəlcə digər şəhərləri və hətta Avropa ölkələrini nəzərdən keçirsələr də, Beynəlxalq Cinayət Məhkəməsinin Haaqada Putin barəsində verdiyi həbs qərarına görə Avropa variantları dərhal kənara qoyulub. Macarıstan və Birləşmiş Ərəb Əmirlikləri də müzakirə olunsa da, yekunda Putin ABŞ ərazisində görüşməyə razılaşıb.

Ağ Evin mətbuat katibi Kerolin Levitt bildirib ki, sammitin ən azı bir hissəsi Tramp və Putin arasında təkbətək, yalnız tərcüməçilərin iştirakı ilə keçiriləcək. Bu dəfə görüş üçün uzunmüddətli hazırlıq aparılmayıb və Tramp sammiti "sınaq görüşü" kimi qiymətləndirib.

Sammitdən iki gün əvvəl Avropa liderləri və Ukrayna prezidenti Vladimir Zelenskinin Trampla telefon danışığı edərək Ukraynadakı münaqişənin mümkün həlli yollarını müzakirə edəcəyi gözlənilir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.