Dünyanın gözü Vatikanda - Xüsusi təyinatlı əsgərlər, 4 min polis və sinayperlər... - FOTOlar

Bugün Vatikanda Katoliklərin ruhani lideri Papa Franciscus üçün vida mərasimi keçirilir. Aprelin 21-də vəfat edən Papa üçün təşkil edilən mərasimdə dünya liderləri Romada bir araya gəlib. 

Milli.Az xarici mediaya istinadən xəbər verir ki, geniş təhlükəsizlik tədbirləri həyata keçirilir.

Məlumata görə, mərasim zamanı binaların üstünə snayperlər yerləşdirilib, izdihamın arasında patrul edən qüvvələr var və ehtimal olunan PUA hücumlarına qarşı anti-PUA silahlı təhlükəsizlik qüvvələri hazır vəziyyətdə olacaq. Həmçinin, Roma hava sahəsi uçuş bütün uçuşları bağlayacaq və 4 min polis mərasim zamanı təhlükəsizliyi təmin edəcək. Mərasiminin keçiriləcəyi Santa Maria Maggiore meydanında təhlükəsizliyi artırmaq məqsədilə 50-dən çox metal detektoru və rentgen cihazı yerləşdirilib.

Dünya Liderləri Romada

Vida mərasimində ABŞ Prezidenti Donald Trump da daxil olmaqla bir çox dünya lideri iştirak edir. Ümumilikdə 130 xarici nümayəndə heyətinin, dövlət, hökumət və parlament rəhbərlərinin də mərasimdə iştirak etməsi gözlənilir.

Papanın tabutu bağlandı və mərasim başladı

Papa Franciscusun cəsədinə edilən ziyarətlərin ardından üzünə ağ bir örtük qoyulub və tabutu bağlanıb. Mərasim Kardinallar Məclisinin Sədri Kardinal Giovanni Battista Re tərəfindən idarə ediləcək. Papa Franciscusun cəsədi, vasiyyətində göstərdiyi kimi, Santa Maria Maggiore bazilikasında dəfn ediləcək.

Papanın məzar daşı üçün də vasiyyətinə əsasən, babasının və nənəsinin torpaqları istifadə edilərək xüsusi bir daş hazırlanıb.

Qeyd edək ki, dünən Milli Məclisin sədri Sahibə Qafarovanın başçılığı ilə parlament nümayəndə heyəti Roma Papası Fransiskin dəfn mərasimində iştirak etmək üçün İtaliyanın Roma şəhərinə səfər edib.

Milli Məclisin sədri bu gün Santa Maria Maggiore bazilikasında keçirilən dəfn mərasimində ölkəmizi təmsil edir, Roma Papasının son mənzilə yola salınması tədbirlərinə qatılır.

Kənan
Milli.Az