Dünya

17 yaşlı gənc ailəsini qətlə yetirdi: Trampa sui-qəsd... - FOTO

13 Aprel 2025 12:50

Baxış: 1 579

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #MƏHKƏMƏ #AİLƏ #ABŞ #DONALD TRAMP

ABŞ-ın Viskonsin ştatında baş verən dəhşətli hadisə ölkəni silkələyib.

Milli.Az xəbər verir ki, 17 yaşlı Nikita Kasap adlı yeniyetmə öz valideynlərini qətlə yetirib. Hadisə martın 1-də baş verib. Polis Kasapın ailəsinin evində ata və anasının cəsədlərini aşkar etdikdən dərhal sonra onu saxlayaraq ikiqat qətl və cəsədləri gizlətməkdə ittiham edib.

İstintaq zamanı məlum olub ki, gənc qatilin məqsədi prezident Donald Trampı öldürmək və ABŞ hökumətini devirmək olub. O, bu məqsədlə valideynlərinin 10 min dollardan çox dəyərində əmlakını oğurlayıb və başqa şəxsə məxsus şəxsiyyət vəsiqəsindən istifadə edərək əlavə maliyyə əldə edib.

Rəsmilərin bildirdiyinə görə, Kasap əldə etdiyi pullarla pilotsuz uçuş aparatı və partlayıcı maddələr alaraq terror aktı hazırlayırmış.

ABC kanalının məlumatına əsasən, polisin apardığı araşdırma zamanı Kasapın telefonunda radikal neonasist "Doqquz bucaq ordeni" adlı təşkilatla bağlı materiallar aşkarlanıb. Həmçinin onun şəxsi qeydləri arasında Adolf Hitlerin şəkilləri, Trampın öldürülməsinə çağırışlar və "ağ irqin xilası" naminə inqilab planları yer alıb. (Musavat.com)

Milli.Az