Dünya

18 yaşlı milyonçunu məşhur universitetlər rədd edir

12 Aprel 2025 08:58
Baxış: 3 408
VTB-də minimal faiz dərəcəsi ilə nağd kredit 9.9%-dən
#DÜNYADA #UNİVERSİTET

Amerikalı 18 yaşlı sahibkar Zak Yadeqari hazırladığı proqramla milyonlarla dollar qazanır. Lakin bu böyük uğur ABŞ-nin ən nüfuzlu universitetlərinin diqqətini cəlb etmək üçün kifayət etmir. Harvard, Kolumbiya və Prinston da daxil olmaqla 15 universitet Yadeqarini qəbulunu rədd edib. 

Milli.Az xəbər verir ki, Yadeqari "Cal AI" proqramının yaradıcısıdır. 

Onun proqramı istifadəçilərin boşqablarındakı yeməklərin fotolarını çəkir və onların kalori və makronutrient dəyərlərini təhlil edir. Ötən ilin may ayında istifadəyə verilən proqram qısa zamanda 5 milyon dəfədən çox yüklənib və aylıq 2 milyon dollardan çox gəlir əldə edib.

Bütün bu nailiyyətlərə baxmayaraq, 4.0 GPA və 36-dan 34 ACT balı olan Yadeqari, müraciət etdiyi 18 universitetdən yalnız üçünə qəbul olub: Georgia Tech, Texas Universiteti və Mayami Universiteti.

O, Harvard, Kolumbiya kimi Ali Təhsil ocaqlarının hansı səbəbdən ona rədd cavabı verdiyini bilmir.  Gənc oğlan bu istedadına görə, digər həmyaşıdlarından fərqləndiyini bildirib.  (Unikal)


Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.