Dünya

Bu ölkədə məscidlərin sayını azaltmaq istəyirlər

8 Aprel 2025 17:16
Baxış: 1 326
VTB-də minimal faiz dərəcəsi ilə nağd kredit 9.9%-dən
#DÜNYADA #QIRĞIZISTAN

Qırğızıstanın Dini Qurumlarla İş üzrə Dövlət Komissiyası məscidlərin sayının məhdudlaşdırılmasını təklif edib.

Milli.Az xəbər verir ki, bu addımın atılmasının əsas səbəbi yerli əhalinin ehtiyaclarına uyğun olmayan şəkildə mərkəzləşdirilmiş qaydada dini tikililərin inşa edilməsidir.

Həmin məsələ ilə bağlı yeni qanun layihəsi ictimai müzakirəyə təqdim olunub. Layihəyə əsasən, dini tikililər arasında müəyyən məsafə standartlarının tətbiq edilməsi təklif edilir. Bu qaydalara görə, şəhər və rayon mərkəzlərindəki məscidlər bir-birindən ən azı 4 kilometr uzaqlıqda olmalıdır. Kəndlərdə isə bu məsafənin 2-3 kilometr olması nəzərdə tutulur.

Layihə çərçivəsində vurğulanıb ki, yeni qaydalar qüvvəyə mindikdən əvvəl inşa edilmiş dini tikililər bu məhdudiyyətlərə tabe olmayacaq və sökülməyəcək.

Bu təşəbbüs, 2021-ci ildə başlatılmış dini tikililərin qeydiyyata alınması kampaniyasına əsaslanır. Həmin dövrdə rəsmi qeydiyyatı olmayan 644 məscid, ibadət evi və digər dini obyekt qeydə alınmışdı. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.