Dünya

ABŞ Nobel sülh mükafatçısının vizasını LƏĞV ETDİ

2 Aprel 2025 10:40
Baxış: 695
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ

ABŞ-ın yeni hakimiyyəti Kosta Rikanın keçmiş prezidenti (1986-1990, 2006-2010), Nobel Sülh Mükafatı laureatı (1987) Oskar Arias Sançesə verilmiş vizanı ləğv edib.

Milli.Az xarici agentliklərə istinadən xəbər verir ki, məlumatı Sançesin özü açıqlayıb. O, naməlum göndəricidən e-poçt vasitəsilə bildiriş aldığını deyib.

Qeyd edək ki, Nobel mükafatçısı dəfələrlə ABŞ-ı tənqid edib. O, vizasının ləğvini şərh edərkən bunu yeni administrasiyanın tez-tez əl atdığı addım olduğunu vurğulayıb: "Düşünürəm ki, vizadan imtina modaya çevrilib. Bu, çox tez-tez istifadə olunan bir cəzadır. ABŞ-ın vizadan imtina etmək üçün öz səbəbləri olacaq. Necə olur ki, onlar başqa cür düşünənləri cəzalandırmaq istəyirlər?

Bu, demokratiya deyil, demokratiyadan başqa hər şey ola bilər: tənqid, fikir, söz, mətbuat azadlığı yoxdur". O, əlavə edib ki, onun vizası turist vizası olub və ABŞ-a səfər etmək fikri yoxdur.

Arias illərdir ABŞ-ın iqtisadi və ticarət siyasətinin və yüksək səviyyəli hərbi xərclərin ardıcıl tənqidçisi olub. Mətbuat konfransı zamanı o, ABŞ-ın "silah və qoşunlara əməkdaşıqdan 12 dəfə çox xərcləməsini" dəhşətli adlandırıb.

Oskar Arias 1987-ci ildə "Mərkəzi Amerikada sülh quruculuğu fəaliyyətinə görə" Nobel Sülh Mükafatına layiq görülüb. Elə həmin il o, "Zorakılıqsız Dünya" üçün Amerika Martin Lüter Kinq mükafatını alıb. Siyasətçi dünyanın 50-dən çox kollec və universitetinin fəxri doktorudur. /Musavat.com

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.