Dünya

ABŞ Ukrayna üzrə hansı Avropa dövlətləri ilə danışıqlar aparır? - CNN

17 Mart 2025 13:54

Baxış: 319

VTB-də minimal faiz dərəcəsi ilə nağd kredit 10.49%-dən

#UKRAYNA #ABŞ

Amerika Birləşmiş Ştatları Ukrayna məsələsinin həlli ilə bağlı Böyük Britaniya, Norveç, Fransa, Finlandiya və digər Avropa ölkələri ilə təmaslarını davam etdirir.

Qaynarinfo xəbər verir ki, bu barədə ABŞ prezidentinin Yaxın Şərq məsələləri üzrə xüsusi nümayəndəsi Stiv Uitkoff CNN telekanalının efirində bildirib.

"Biz bütün maraqlı Avropa ölkələri ilə müzakirələr aparırıq. Bunlar Fransa, Böyük Britaniya, Norveç, Finlandiya və digərləridir", - deyə o vurğulayıb.

Uitkoff əlavə edib ki, ABŞ Ukraynada atəşkəs səylərini koordinasiya etmək üçün müttəfiqləri ilə fəal işləməyə davam edir.

Daha əvvəl UNİAN xəbər vermişdi ki, ABŞ prezidenti Donald Trampın xüsusi elçisi Stiv Uitkoff Putinlə danışıqlar aparıb. Bu çərçivədə ABŞ prezidentinin milli təhlükəsizlik məsələləri üzrə müşaviri Maykl Volts bildirib ki, Tramp administrasiyası Ciddədə (Səudiyyə Ərəbistanı) ukraynalı nümayəndələrlə son görüş və Putinin döyüşlərin dayandırılması ilə bağlı şərtləri haqqında bəyanatından sonra "ehtiyatlı nikbinlik" nümayiş etdirir.

Onun sözlərinə görə, ABŞ prezidenti Uitkoffun Rusiyadakı danışıqlarının nəticələrini eşitdikdən sonra növbəti qərarlarını verəcək.

Eyni zamanda, diplomat Vladimir Omelyan Trampın xüsusi nümayəndəsinin Putinlə görüşünü dəyərləndirərək bildirib ki, bu görüş uğurlu olmayıb. Çünki ABŞ həmin danışıqdan dərhal sonra Rusiya prezidentinə təzyiq göstərmək üçün müəyyən addımlara əl atıb.

Milli.Az