Dünya

Bu gedişlə Tehranda yaşamaq mümkün olmayacaq - Pezeşkian

15 Mart 2025 12:37
Baxış: 1 178
VTB-də minimal faiz dərəcəsi ilə nağd kredit 9.9%-dən
#DÜNYADA #IRAN

Hazırkı inkişaf prosesinin davam etməsi ilə Tehranda yaşamaq mümkün olmayacaq.

Trend-in məlumatına görə, bunu İran prezidenti Məsud Pezeşkian bu gün (15 mart) Tehranda keçirilən tədbirdə deyib.

Onun sözlərinə görə, Tehran şəhərinin ərazisi ölkə ərazisinin 1%-ni də təşkil etmir. Lakin ölkə əhalisinin 20%-dən çoxu Tehran şəhəri sakinidir. Ehtiyatlar və xərclər düzgün tənzimlənmədiyi halda, şəhər idarəçiliyi böyük problemlərlə üzləşəcək.

"Paytaxtın Tehrandan köçürülməsi həll yollarından biridir. Amma bu, əsas məsələ deyil. Əsas məsələ ehtiyatların düzgün formada istifadə olunmasıdır", - deyə o qeyd edib.

İran prezidenti qeyd edib ki, Tehran şəhərinə köç idarə olunmalıdır. Tehran şəhərinin artıq böyük ölçüdə sakin qəbul etmək potensialı yoxdur.

Pezeşkian əlavə edib ki, bu il və gələn il Tehranda yağıntıların azalması gözlənilir: "Bu məsələ düzgün şəkildə idarə olunmadığı halda, Tehran sakinsiz şəhərə çevriləcək. Ehtiyatları az olan şəhərin durmadan inkişaf etməsi qəbuledilməzdir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.