Dünya

Pakistanda sərnişin qatarındakı hadisədə 25 nəfər öldürülüb - YENİLƏNİB

12 Mart 2025 23:56

Baxış: 2 191

VTB-də minimal faiz dərəcəsi ilə nağd kredit 9.9%-dən

#HADİSƏ #PAKİSTAN #QATAR #GİROV

23:56

Pakistan ordusu çərşənbə axşamı Bəlucistan əyalətində silahlılar tərəfindən ələ keçirilən sərnişin qatarından 300-dən çox girovu azad etdiyini bildirib.

Ordu sözçüsü əməliyyat zamanı 33 yaraqlının öldürüldüyünü bildirib.

Hərbi sözçünün sözlərinə görə, silahlılar tərəfindən 21 mülki girov və dörd hərbçi öldürülüb.

----------
10:29

Pakistanın cənub-qərbində Bəlucistan əyalətində təhlükəsizlik qüvvələrinin keçirdiyi əməliyyat nəticəsində qatarda girov saxlanılan 155 sərnişin azad edilib.

Milli.Az xarici mediaya istinadla xəbər verir ki, qatarda ümumilikdə 450 sərnişin olub və onlar "Bəlucistan Azadlıq Ordusu"nun yaraqlıları tərəfindən girov götürülüblər.

Əməliyyat zamanı girovları saxlayan 27 yaraqlı zərərsizləşdirilib. Xilas edilən bəzi sərnişinlər xəstəxanaya yerləşdirilib, lakin təəssüf ki, silahlılar təxminən on girovu qətlə yetiriblər.

Rəsmi mənbələr xilasetmə əməliyyatının hələ də davam etdiyini bildirir.

--------------

2025.03.11

Pakistanın Bəlucistan əyalətində separatçı Bəluc Azadlıq Ordusunun (BLA) silahlıları sərnişin qatarına hücum ediblər.

Milli.Az xarici mediaya istinadla xəbər verir ki, hücum nəticəsində qatarın mühəndisi yaralanıb, təhlükəsizlik işçiləri də daxil olmaqla 450 sərnişin girov götürülüb.

Dəmiryol rəsmilərinin məlumatına görə, qatar Kvettadan Pişəvərə gedərkən hədəfə alınıb. Yaraqlılar qadın, uşaq və bəluc sərnişinləri azad etdiklərini, lakin Pakistan təhlükəsizlik qüvvələrinin əməkdaşlarını saxladıqlarını bildiriblər.

Hökumət sözçüsü Şahid Rind insidentlə bağlı bütün qurumların hərəkətə keçdiyini və təhlükəsizlik qüvvələrinin bölgəyə göndərildiyini açıqlayıb. Hücum bölgədəki separatçı qrupların yeni və intensiv hücumlar həyata keçirəcəklərini elan etməsindən bir neçə gün sonraya təsadüf edir.

Milli.Az