Dünya

ABŞ-ın ən yaşlı prezidenti kimdir? - sağ olan keçmiş liderlər - FOTO

23 Yanvar 2025 12:56

Baxış: 1 684

VTB-də minimal faiz dərəcəsi ilə nağd kredit 9.9%-dən

#ABŞ #DONALD TRAMP #BARAK OBAMA #COZEF BAYDEN

Co Bayden 2021-ci ildə ABŞ prezidenti vəzifəsinə gələndə 78 yaşında idi. İndiyə qədər o, ABŞ-ın ən yaşlı prezidenti olub. Bununla belə, Donald Tramp da 2025-ci il yanvarın 20-də 78 yaşında prezident kimi and içib.

Milli.Az xarici mediaya istinadla ABŞ-ın indiki və keçmiş prezidentlərinin yaşları ilə bağlı maraqlı faktları təqdim edir.

Yaşayan ən yaşlı prezident kimdir?

Bayden Trampın andiçmə mərasimindən əvvəl vəzifədə olan ən yaşlı ABŞ prezidenti idi. Və Tramp inauqurasiyadan əvvəl ən yaşlı keçmiş prezident idi. Trampın vəzifəyə başlaması ilə dörd yaş böyük olan Bayden ən yaşlı keçmiş prezident olur.

Tramp 43-cü prezident Corc Buşdan 22 gün, 42-ci prezident Bill Klintondan isə 66 gün böyükdür.

ABŞ-ın nə qədər keçmiş prezidenti hələ də sağdır

Yalnız dörd keçmiş ABŞ prezidenti sağdır. Bunlar Bill Klinton, Corc Buş, Donald Tramp və Barak Obamadır. Bayden Trampın inauqurasiyasından sonra onlara qoşulub.

Qeyd edilir ki, 78 yaşlı Klinton 20-ci əsrdə bu vəzifəni tutan yeganə keçmiş baş komandandır.

Yaşayan ən gənc keçmiş prezident kimdir?

Yaşayan ən gənc keçmiş prezident Barak Obamadır, onun 63 yaşı var.

Tramp 100 ildən artıq müddətdə ardıcıl iki müddətə prezident seçilən ilk prezident olacaq.

Tramp ABŞ tarixində ardıcıl iki müddət prezidentlik edən ikinci prezidentdir.

Birincisi, Ağ evdə iki müddət, 1885-1889 və 1893-1897-ci illərdə xidmət etmiş Qrover Klivlend idi. O, ilk dəfə 1884-cü ildə prezident seçilib, lakin 1888-ci ildə respublikaçı Benjamin Harrisona məğlub olub. Daha sonra 1892-ci il prezident seçkilərində Harrisonu məğlub edib. /Lent.az

Milli.Az