Dünya

Los-Ancelesdə yanğın yenidən başladı - 30 min insan...

23 Yanvar 2025 10:10
Baxış: 1 964
VTB-də minimal faiz dərəcəsi ilə nağd kredit 9.9%-dən
#DÜNYADA #HADİSƏ #YANĞIN #LOS-ANCELES MEŞƏ YANĞINLARI

ABŞ-ın Kaliforniya ştatında yanğın fəlakəti davam edir. Los-Anceles şəhəri yaxınlığında, Castaic gölü ətrafında başlayan yeni yanğın sürətlə yayılaraq 3 mindən çox hektar ərazini əhatə edib.

Milli.Az xarici mediaya istinadən xəbər verir ki, Kaliforniya Meşə və Yanğından Mühafizə Departamentinin (CAL FIRE) məlumatına görə, bölgədə 30 mindən çox insanın təxliyəsinə qərar verilib. Eyni zamanda, 20 mindən çox insana təhlükə barədə xəbərdarlıq edilib.

Rəsmi qurumlar yanğının həyati təhlükə yaratdığını bildirərək, bəzi ərazilərin ictimai giriş üçün bağlandığını elan edib.

Qeyd edək ki, ABŞ Prezidenti Donald Tramp yanvarın 19-da Ağ Evə qayıtdıqdan sonra ilk səfərini yanvarın 24-də yanğınlardan zərər çəkmiş Cənubi Kaliforniyaya edəcəyini açıqlayıb.

Xatırladaq ki, yanvarın 7-də başlayan və Los-Ancelesin Eaton, Hurst, Sunset və Woodley bölgələrinə yayılan yanğınlar nəticəsində indiyə qədər ən azı 28 nəfər həyatını itirib. Ümumilikdə minlərlə hektar ərazi məhv olub, fəlakətin iqtisadi itkisinin isə 250-275 milyard dollar arasında olduğu təxmin edilir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.