Dünya

Los-Anceles yanğın bu silahla törədilib?

14 Yanvar 2025 19:43
Baxış: 1 658
VTB-də minimal faiz dərəcəsi ilə nağd kredit 9.9%-dən
#ABŞ #LOS ANCELES #LOS-ANCELES MEŞƏ YANĞINLARI

ABŞ-ın Kaliforniya ştatında baş verən yanğınlarla bağlı hələ də müxtəlif fikirlər səsləndirilir. Onlardan biri də, Los Anceles yanğınlarının lazer silahı ilə törədilməsi iddiasıdır.

Düzdür, son günlər yayılan videoların böyük hissəsi süni zəka məhsuludur. Elə lazer silahı iddiası da süni intellektlə düzəldilib.

İstənilən halda sual yaranır: Doğrudanmı lazer şüaları ilə istənilən şəhərdə, qəsəbədə, kənddə yanğın törətmək olur?

Globalinfo.az-a danışan təhlükəsizlik məsələləri üzrə ekspert Orxan Musayev deyib ki, yanğın hadisələrinin baş verməsinin müxtəlif səbəbləri mövcuddur.

Onun sözlərinə görə, səbəblər arasında qəsddən törədilmiş yanğın hadisələri xüsusi yer tutur:

"Bu hadisələr cinayət tərkibli olduğu üçün hüququ mühafizə orqanları tərəfindən araşdırılır. Qəsddən zərərvurma və ya yanğın hadisəsi törətmək üçün müxtəlif üsullardan istifadə etmək mümkündür. Təbii ki, bu üsulların hər biri qanunvericiliyin tələblərinə zidd olmaqla yanaşı insanlar, ətraf mühit və əmlak üçün ciddi təhlükə yaradır".

Ekspert nəzəri baxımdan lazerlə yanğının törədilməsi ehtimalının ola biləcəyini qeyd edib:

"Lakin bunu reallaşdırmaq üçün praktiki baxımdan kifayət qədər güc sərf olunmalıdır. Baş verən yanğın hadisəsindən sonra bu cür fikirlərin səsləndirilməsi normal haldır. Amma bir çox hallarda bu cür fikirlərin elmi əsası olmur".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.