PUL
Amerikalı iş adamı, milyarder İlon Mask Kaliforniyanın Los-Anceles şəhərindəki meşə yanğınlarının iqlim dəyişikliyi ilə əlaqəli olduğuna əmin deyil. O, bu məsələyə şübhə ilə yanaşır.
Milli.az xəbər verir ki, bu barədə Mask "X" sosial şəbəkəsində paylaşım edib.
O qeyd edib ki, əgər iqlim dəyişikliyinin bu qədər təsirli olduğu doğru olsaydı, meşə sahəsi Kaliforniyadan iki dəfə böyük olan Texasda meşə yanğınlarının miqyası da ikiqat artıq görünməli idi. :
"Əgər iqlim dəyişikliyi izahı doğru olsaydı, meşə sahəsi Kaliforniyadakından iki dəfə çox olan Texasda, təxminən iki dəfə artıq evləri məhv edən yanğınlar baş verməli idi. İqlim dəyişikliyi mövcuddur, lakin yavaş irəliləyir. Los-Ancelesdəki problemin əsas səbəbi, yanğın keçidlərinin yaradılmaması, kolluqların təmizlənməməsi, kifayət qədər su təchizatının təmin edilməməsi və ştat, bölgə və şəhər səviyyələrindəki pis idarəçilik idi"- deyə qeyd olunur.
Qeyd edək ki, Kaliforniya ştatının Los-Anceles dairəsini əhatə edən yanğınlar nəticəsində azı 24 nəfər həlak olub.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
