Dünya

Modellərin FOTOlarına yazdığı bu sözlər 75 yaşlı deputatın karyerasını BİTİRDİ - FOTO

12 Yanvar 2025 10:11

Baxış: 1 270

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #SUPERMODEL #MODEL #ALMANİYA #DEPUTAT

Siyasətçinin yazdığı şərhlər diqqət çəkib.

"Alyans Almaniya" partiyasından olan 75 yaşlı parlament üzvü Bernd Foqel "OnlyFans" platformasında modellərin fotolarının altına yazdığı "Gözəl döşlər" kimi açıq-saçıq şərhlərə görə qalmaqal mərkəzinə düşüb.

Milli.Az-ın xarici mediaya istinadla xəbərinə görə, hadisə ictimaiyyətin diqqətini cəlb edib və siyasətçini fevralın 23-nə təyin edilmiş Bundestaq seçkilərində namizədliyini geri götürməyə məcbur edib.

Məlumata görə, Foqel modellərin yazılarının altında aktiv şəkildə açıq və vulqar ifadələr yazır.

Onun şərhləri arasında belə ifadələr olub: "Gözəl döşlər" və "Öpürəm, köprəm". Bəzilərində o, birbaşa cinsi istəklərinə eyhamlar edib və bu, sosial şəbəkələrdə sərt tənqidlərə səbəb olub.

Sosial şəbəkə istifadəçiləri Foqelin davranışını pisləyərək, bunu cəmiyyətin maraqlarını təmsil edən şəxs üçün qəbuledilməz adlandırıblar. Siyasətçinin şərhləri "iyrənc" kimi qiymətləndirilib və onların ictimai xadim statusu ilə bir araya sığmadığı vurğulanıb.

Partiya rəhbərliyi də deputatın hərəkətlərini pisləyib, onları qətiyyən yolverilməz adlandırıb. Tənqid dalğasından sonra Foqel üzr istəyib və seçkidən çəkildiyini açıqlayıb.

"Kobud şərhlərimə görə səmimi qəlbdən üzr istəyirəm. O, X sosial şəbəkəsindəki səhifəsində yazıb: "Mən namizədliyimi geri götürürəm və heç bir dairə üzrə birbaşa namizəd kimi seçkilərdə iştirak etməyəcəyəm". /Lent.az

Milli.Az