Dünya

ATƏT-in yeni sədri Kiyevdə Zelenski ilə görüşdü

9 Yanvar 2025 07:53
Baxış: 1 004
VTB-də minimal faiz dərəcəsi ilə nağd kredit 9.9%-dən
#UKRAYNA #ATƏT

Ukrayna Prezidenti Volodimir Zelenski ATƏT-in fəaliyyətdə olan sədri və Finlandiyanın xarici işlər naziri Elina Valtonen ilə görüşüb.

Milli.Az bildirir ki, 1 yanvar tarixindən Finlandiyanın ATƏT-ə birillik sədrliyi başlayıb. Volodimir Zelenski vurğulayıb ki, Elina Valtonen bu rolda ilk səfərini Ukraynaya edib və bu, ölkəmiz üçün mühüm dəstək simvoludur.

Prezident, Finlandiyanın Xarici İşlər Nazirliyinə, Hökumətinə, Prezidentinə və xalqına Rusiyanın genişmiqyaslı işğalının başlanğıcından bəri Ukraynaya verdikləri dəstəyə görə təşəkkür edib. Finlandiya, ümumilikdə 2,3 milyard avrodan çox olan 26 müdafiə yardım paketi təqdim edib.

Volodimir Zelenski xüsusilə Finlandiyanın ilk Sülh Sammitində və sonrakı tematik konfranslarda iştirakını yüksək qiymətləndirib.

"Biz sizin liderliyinizə və ATƏT-də sədrliyinizə güvənirik. Sizinlə və komandanızla ATƏT-in Ukrayna üçün, əsasən də uşaqlarımız, əsgərlərimiz və Rusiyanın həbsxanalarında saxlanılan qəhrəman xalqımız üçün nələr edə biləcəyini müzakirə etmək istəyirəm," - deyə Prezident bildirib.

Görüş zamanı tərəflər Rusiyanın Ukraynaya genişmiqyaslı işğalının üçüncü ildönümünə həsr olunmuş ATƏT Daimi Şurasının xüsusi genişləndirilmiş iclasına və ATƏT-in əsası qoyulan Helsinkidə qəbul edilmiş Yekun Aktın 50 illiyinin qeyd olunmasına hazırlıqları müzakirə ediblər.

Bildirilir ki, səfər çərçivəsində ATƏT sədri ölkə Prezidenti Volodimir Zelenski, Ukraynanın Baş naziri Denis Şmıhal, xarici işlər naziri Andriy Sıbiqa və parlamentin spikeri Ruslan Stefançukla görüşüb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.