Dünya

Roma Papası rahibələri tənqid etdi - FOTO

6 Yanvar 2025 17:37

Baxış: 1 186

VTB-də minimal faiz dərəcəsi ilə nağd kredit 9.9%-dən

#DÜNYADA #VATİKAN

Roma Papası Fransisk "Siena Müqəddəs Yekaterina" Missionerlik İttifaqından olan rahibələr qrupunu üzlərini turşutduqlarına görə tənqid edib və daha mehriban olmağa çağırıb.

Milli.Az oxu.az-a istinadən xəbər verir ki, bu barədə "The Times" qəzeti məlumat verib.

Papa Dominikan bacılar qrupuna rahibələrin dünyaya qaşqabaqlı üzlərini göstərdiklərini söyləyib və "zəhərli qeybəti" dayandırmaq üçün qadınların "qəhrəmanlıq" səylərinə ehtiyac olduğunu bildirib.

"Bəzən həyatımda "turşumuş üzlü" rahibələrlə rastlaşmışam, bu, dostcanlı görünmür və insanları cəlb etməyə kömək edən bir şey deyil. Sirkə (turşusu) iyrəncdir, "üzünü turşutmuş" rahibələr haqqında isə heç danışmaq istəmirəm", - deyə Fransisk vurğulayıb.

Qeyd edək ki, dekabrda Roma Papası Ümumdünya Sülh Gününə müraciətində bəşəriyyəti "qəlbin tərksilahına" çağırıb və 2025-ci ilin "razılaşmaların hiylələrində durmayan" sülhün möhkəmləndirilməsi ili olmasını arzulayıb.

Milli.Az