Dünya

Bəşər Əsədə sui-qəsd cəhdi iddiası! "....boğulmağa başladı" - FOTO

2 Yanvar 2025 13:26

Baxış: 1 256

#DÜNYADA #RUSİYA #SURİYA #SUİ-QƏSD

Rusiyaya qaçan Bəşər Əsədin Moskvada zəhərləndiyi iddia olunub.

Milli.Az xəbər verir ki, bu barədə Rus "Telegram" kanalı məlumat yayıb.

Bu iddia isə İngiltərə mətbuatında geniş işıqlandırılıb. Lakin rəsmi Moskva mənbələrindən heç bir açıqlama verilməyib.

"Keçmiş Suriya Dövlət Başçısı Bəşar Əsədə qarşı sui-qəsd cəhdi olduğu ilə bağlı ciddi şübhələr var. Bazar günü günortadan sonra Əsəd qorumasına özünü pis hiss etdiyini, nəfəs almaqda çətinlik çəkdiyini bildirərək tibbi yardım çağırılmasını istəyib. Bu tələbindən dərhal sonra Əsəd şiddətli bir öskürək tutdub və nəfəs almaqda çətinlik çəkib. Ona su verilib, vəziyyət qismən nəzarət altına alınıb, amma nəfəsi tamamilə normaya dönməyib. Həkimlər yanına gəldikdə vəziyyəti daha da pisləşib. Əsəd-in olduğu yerə müalicə üçün komandalar göndərilib" ifadələri ilə təqdim edilib", deyə kanalın yaydığı iddiada qeyd edilir.

"İstintaq başlatılıb" iddiası

İngilis "Express" qəzetinin də yer verdiyi iddiaya görə, "Əsəddən alınan qan nümunələrində zəhərli maddəyə məruz qaldığına dair izlər tapılıb".

Həmçinin Telegram kanalının iddiasında "Rusiya Dövlət Başçısı Putinin köməkçisi Nikolay Patruşevə təqdim edilən hesabata əsasən hadisə ilə bağlı istintaq başladılıb. Lakin hələlik Bəşar Əsədin necə zəhərləndiyi ilə bağlı hər hansı bir məlumat əldə olunmayıb".

Xəyal Abdullayev
Milli.Az