Dünya

Əsədin devrilməsi bu ölkəyə zərbə vurdu

10 Dekabr 2024 07:46
Baxış: 2 997
VTB-də minimal faiz dərəcəsi ilə nağd kredit 9.9%-dən
#SURİYA #HİNDİSTAN

Hindistan üçün Suriya Prezidenti Bəşər Əsəd rejiminin süqutu sadəcə regional güc dəyişikliyi deyil. Bu hadisə, Hindistanın enerji təhlükəsizliyi və geosiyasi məqsədləri üçün həyati əhəmiyyət kəsb edən Qərbi Asiyada strateji sabitliyi sarsıtmaq təhlükəsi yaradır.

Milli.Az Hindistan mətbuatına istinadla xəbər verir ki, Əsədin hökuməti, mübahisəli statusuna baxmayaraq, İslam Dövləti (İD) kimi ekstremist qüvvələrə qarşı nisbətən sabitlik təmin edirdi. Mütəxəssislərin fikrincə, onun devrilməsindən sonra yaranan boşluq xaos yaradacaq, radikal qrupları gücləndirəcək və Hindistanın qlobal terrorizmə qarşı mübarizəsini, həmçinin diasporasının təhlükəsizliyini təhlükəyə atacaq.

Suriyada bazar günü baş verən hadisələr Hindistanla Qərbi Asiya ölkəsi arasında Yeni Dehlidə keçirilən xarici işlər məsləhətləşmələrindən bir qədər sonra baş verib.

Hindistan Xarici İşlər Nazirliyinin noyabrın 29-da məsləhətləşmələrdən sonra yaydığı mətbuat açıqlamasında qeyd olunub:

"Müzakirələr zamanı Hindistan-Suriya ikitərəfli münasibətlərinin bütün spektri nəzərdən keçirildi və iki ölkə arasında institusional mexanizmləri yenidən canlandırmaq üçün yeni öhdəliklər götürüldü. Hər iki tərəf, xüsusilə əczaçılıq, inkişaf tərəfdaşlığı və potensialın artırılması sahələrində ikitərəfli əlaqələrin dərinləşdirilməsi yollarını müzakirə etdi."

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.