Dünya

“Makron belə ayaqda qala bilməz”

6 Dekabr 2024 14:51
Baxış: 912
VTB-də minimal faiz dərəcəsi ilə nağd kredit 9.9%-dən
#DÜNYADA #AKSİYA #FRANSA

Fransada baş verən siyasi böhranla əlaqədar olaraq, bütün ölkədə ictimai işçilər tətilə çıxıblar.

Milli.Az xarici mətbuata istinadən xəbər verir ki, paytaxt Paris başda olmaqla ölkə daxilində küçələrə çıxan ictimai işçilər də iş şəraitinin yaxşılaşdırılması tələblərini dilə gətiriblər. Parisdə İqtisadiyyat Nazirliyinin Bersi binası yaxınlığında başlayan nümayiş İtaliya meydanında başa çatıb.

Fransanın ən böyük həmkarlar ittifaqı olan Ümumi Həmkarlar İttifaqının (CGT) baş katibi Sofi Binet bu gün verdiyi açıqlamada ölkədə yüz minlərlə insanın, o cümlədən dövlət və özəl sektorun ixtisar ediləcəyini bildirib.

Son siyasi hadisələri dəyərləndirən Binet, "Ölkəmiz bizi narahat edən siyasi böhran içərisindədir" deyərək, prezident Emmanuel Makronu həmkarlar ittifaqları və işçilərin səsini eşitməyə çağırıb.
Makrondan xalqın ümumi maraqlarını müdafiə edərək prezidentlik vəzifəsini yerinə yetirməsini xahiş edən Binet, Fransada bir hökumətin sosial tələbləri yerinə yetirmədən yaşaya bilməyəcəyini vurğulayıb.

Nərmin
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.