Dünya

İraq Suriya ilə sərhədini bağladı

1 Dekabr 2024 00:07
Baxış: 1 457
VTB-də minimal faiz dərəcəsi ilə nağd kredit 9.9%-dən
#IRAQ #SURİYA

İraqla Suriya arasında sərhəd tamamilə bağlanıb.

Milli.Az xəbər verir ki, müvafiq əmri sərhəd qoşunlarının komandanı, general Məhəmməd Əbdülvahab əl-Suaydi verib.

İraq Suriyanın Hələb, İdlib və Hama bölgələrində artan münaqişə fonunda İraq-Suriya sərhədini qorumaq üçün Mosulun şimal-qərbində yerləşən Sinjar rayonuna əhəmiyyətli hərbi gücləndirmələr göndərib. Bu barədə şənbə günü təhlükəsizlik mənbəsi məlumat verib.

Mənbənin verdiyi məlumata görə, "25-ci Zirehli Diviziyanın 101-ci Briqadası sərhəd təhlükəsizliyini gücləndirmək üçün Sinjara yerləşdirilib."

İraq Müdafiə Nazirliyi bildirib ki, "Müdafiə Naziri Sabit əl-Abbasi Sinjara səfəri zamanı Qərbi Ninəva Əməliyyatlar Komandanlığı ilə görüş keçirib. Görüşdə Suriya münaqişəsinin təhlükəsizliklə bağlı təsirləri və onun İraqa yayılmasının qarşısını almaq üçün tədbirlər müzakirə olunub."

Lalə Qüdrətova

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.