Dünya

Rusiyada "Taliban"a qoyulan qadağa ləğv olunur

26 Noyabr 2024 14:29
Baxış: 1 079
VTB-də minimal faiz dərəcəsi ilə nağd kredit 9.9%-dən
#DÜNYADA #RUSİYA #TALİBAN

Rusiyada Talibana qoyulan qadağanın aradan qaldırılması ilə bağlı qanun layihəsi təqdim edilib.

Milli.Az xarici mətbuata istinadla xəbər verir ki, bu barədə Dövlət Duması məlumat yayıb.

Bir qrup senator və deputat Dövlət Dumasına təşkilatların, o cümlədən beynəlxalq təşkilatların Rusiyada qadağan olunmuş təşkilatlar siyahısından müvəqqəti çıxarılması haqqında 778284-8 saylı qanun layihəsi təqdim ediblər.

Qanun layihəsində deyilir ki, "təşkilatların vahid federal siyahısına daxil edilmiş təşkilatın, o cümlədən Rusiya Federasiyasının qanunvericiliyinə uyğun olaraq terrorçu kimi tanınan xarici və beynəlxalq təşkilatların fəaliyyətinə qoyulan qadağa məhkəmənin qərarı ilə müvəqqəti olaraq dayandırıla bilər.

Məhkəmə qərarı qanuni qüvvəyə mindikdən sonra terror təşkilatlarının siyahısına paralel dəyişikliklər ediləcək.

Qeyd edək ki, Rusiya "Taliban" hərəkatını Əfqanıstanda legitim hakimiyyət hesab edir. Rəsmi Moskva Rusiya ərazisində keçirilən beynəlxalq tədbirlərə "Taliban" hökumətinin nümayəndələrini dəvət edib, Rusiya rəsmiləri "Taliban" hökmüətinin üzvləri ilə dəfələrə görüşlər keçirib.

Nərmin Mahmudova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.