Dünya

Peyvənddən imtina etdiyi üçün işdən çıxarıldı: Milyonlarla dollar qazandı

16 Noyabr 2024 03:03

Baxış: 2 644

VTB-də minimal faiz dərəcəsi ilə nağd kredit 9.9%-dən

#DOLLAR #ABŞ #PEYVƏNDLƏMƏ

Amerikalı dindar katolik qadın, COVID-19-a qarşı peyvənd olunmaqdan imtina etdiyi üçün onu işdən çıxaran şirkətdən təxminən 13 milyon dollar təzminat alıb.

Milli.Az oxu.az-a istinadən xəbər verir ki, bu barədə "New York Post" məlumat yayıb.

Qeyd olunur ki, Liza Domski 30 ildən çox "Blue Cross Blue Shield" şirkətində İT mütəxəssisi kimi işləyib. 2021-ci ildə şirkət rəhbərliyi dini inancları və ya buna mane olan tibbi göstərişin olmadığı təqdirdə, bütün işçilərini COVID-19-a qarşı peyvənd etməyə məcbur edib. Qadın vaksinlərin abortdan sonra qalan embrion hüceyrələri üzərində sınaqdan keçirilə biləcəyindən ehtiyat edib, çünki bu onun xristian inancına ziddir.

Domski peyvənd tələbindən azad olmaq üçün müraciət edib, lakin onun istəyi rədd edilib. "Blue Cross Blue Shield" onun inancının doğruluğuna şübhə edib. Bir ay sonra qadın işdən çıxarılıb. Daha sonra o, ayrı-seçkiliyin qurbanı olduğunu iddia edərək məhkəməyə müraciət edib.

Qadın pandemiya zamanı şirkətdə tamamilə distant şəkildə işlədiyini, buna görə də, peyvənd olunmadığından başqaları üçün risk yaratmadığını bildirib.

Milli.Az