Dünya

İdarə müdirinin görüşünə gələn qadınların geyimi müzakirə yaratdı - FOTOlar

17 Oktyabr 2024 14:28

Baxış: 2 136

VTB-də minimal faiz dərəcəsi ilə nağd kredit 9.9%-dən

#TÜRKİYƏ #MƏMUR #QADIN

Türkiyənin Ərzurum şəhərində Rayon Əkinçilik və Meşə İdarəsi müdirinin qadın fermerlərlə çəkdirdiyi fotolar müzakirələrə səbəb olub.

Milli.Az qafqazinfo.az-a istinadən xəbər verir ki, fotolar Ərzurum valiliyinin sosial şəbəkə hesabında paylaşılıb.

Bildirilib ki, qurumun müdiri Alparslan Kenger qadın fermerlərlə bir araya gələrək "Beynəlxalq Qadın Fermerlər Günü"nü qeyd edib.

Mərasimə qatılan qadın fermerlər Ərzurumun yerli geyimi olan "ehram" geyiniblər. Onların bu geyimdəki fotoları qısa müddət ərzində sosial şəbəkələrdə yayılıb. Bəzi istifadəçilər xanımların bu geyimini təqdirəlayiq hesab etsə də, digərləri normal qarşılamayıb.

Qeyd edək ki, "ehram" böyük əmək sərf olunaraq və bir çox mərhələlərdən keçərək hazırlanmış qadın üst paltarıdır. "Ehram"ın ilk dəfə nə vaxt hazırlanması və istifadə olunmağa başlamasına dair yazılı mənbələrdə dəqiq məlumat tapılmır. Lakin indiki görüntüdə olan "ehram"ın 1850-ci illərdən bəri istifadə olunduğu bildirilir.

Milli.Az
Xəbərlərimizi WhatsApp kanalımızdan da oxuyun