Dünya

Putin niyə Gürcüstanla viza rejimini ləğv etdi?

10 Oktyabr 2024 23:00

Baxış: 967

Rusiya Prezidenti Vladimir Putinin Gürcüstan vətəndaşları üçün vizasız rejim haqqında qərarı iki ölkə arasında humanitar münasibətlərin qorunmasına yönəlib.

Milli.Az axar.az-a istinadən xəbər verir ki, bu fikri jurnalistlərə Kremlin mətbuat katibi Dmitri Peskov bildirib.

Peskovun sözlərinə görə, Rusiyada kifayət qədər böyük gürcü diasporu var. Bundan əlavə, rusiyalı turistlər də Gürcüstana səfər edirlər:

"Dövlətlərarası münasibətlər öz yerində, iki xalq arasında dialoqdan söhbət gedirsə, humanitar münasibətlər də öz yerindədir".

Qeyd edək ki, V.Putin Gürcüstan vətəndaşlarının bu ölkəyə vizasız gediş-gəlişini təmin edən fərman imzalayıb. Sənəd oktyabrın 10-dan qüvvəyə minir. Sənədə əsasən, vizasız rejim indi Rusiyaya işləmək məqsədilə və ya müvəqqəti qalmaq üçün 90 gündən çox müddətə gələn Gürcüstan vətəndaşlarına şamil edilir.

Milli.Az
Xəbərlərimizi WhatsApp kanalımızdan da oxuyun