Dünya

Canlı yayımda anasını öldürdüyünü etiraf etdi - VİDEO

28 Sentyabr 2024 18:22

Baxış: 1 699

VTB-də minimal faiz dərəcəsi ilə nağd kredit 9.9%-dən

#HADİSƏ #VİDEO #AİLƏ #QƏTL #CİNAYƏT #İTALİYA

İtaliyada 50 yaşlı Lorenzo Karbon Pomeriqqio telekanala canlı yayım zamanı müsahibə verərkən gözlənilmədən yaşlı anasını öldürdüyünü açıqlayıb.

Milli.Az lent.az-a istinadən bildirir ki, o, jurnalistə anasını boğduğunu etiraf edib. Onun sözlərinə görə, bəzən anası eyni sözləri təkrarlamaqla onu qıcıqlandırıb.

Pomeriqqionun demensiyadan əziyyət çəkən 80 yaşlı anası Loretta Levrini ötən həftə sonu qızı tərəfindən ölü tapılıb.

Etirafı eşidən kimi polisə müraciət edilib. Bu etiraf daha sonra "eksklüziv" xəbər kimi yayımlanıb.

Eyni zamanda, "TG La7" televiziya kanalının direktor müavini Qaya Tortora bu barədə polisə məlumat verilməsini tənqid edərək, belə hərəkətlərin etik standartlara zidd olduğunu və jurnalistikaya ləkə olduğunu bildirib. Lakin proqramın aparıcısı Mirta Merlino efir hüququnu müdafiə edərək, düşünməyə vaxtının az olduğunu və yalnız istintaqa müdaxilə etməməkdən narahat olduğunu deyib. O qeyd edib ki, yayıma polis icazə verib.

Etirafından sonra Karbon saxlanılaraq nəzarətə götürülüb.

Milli.Az

Xəbərlərimizi WhatsApp kanalımızdan da oxuyun