Dünya

İsrail Livanı vurdu - Ölənlərin sayı 500-ü keçdi - YENİLƏNİB

24 Sentyabr 2024 14:14

Baxış: 2 470

VTB-də minimal faiz dərəcəsi ilə nağd kredit 10.49%-dən

#ISRAEL #LİVAN

14:14

İsrail Hərbi Hava Qüvvələrinin Livanın cənubundakı yaşayış məntəqələrinə endirdiyi zərbələr nəticəsində ölənlərin sayı 492-dən 558-ə yüksəlib, 1835 nəfər yaralanıb.

Milli.Az APA-ya istinadən bildirir ki, bu barədə ölkənin səhiyyə naziri vəzifəsini icra edən Firas Abyad mətbuat konfransında bildirib.

"Qurbanlar arasında 50 uşaq və 94 qadın var. 4 təcili tibbi yardım işçisi də həlak olub, onların maşınları hava zərbələrinə məruz qalıb", - deyə o bildirib.

--------------
10:10

Sentyabrın 23-də İsrailin hava hücumları nəticəsində Livanda ölənlərin sayı 492-yə çatıb.

Milli.Az APA-ya istinadən bildirir ki, bu barədə Livanın Səhiyyə Nazirliyi məlumat yayıb.

Hadisə nəticəsində azı 1645 nəfər xəsarət alıb.

2024.09.23
--------------

İsrail Silahlı Qüvvələrinin Livanın cənubuna endirdiyi zərbələr nəticəsində 274 nəfər həlak olub, mindən çox insan yaralanıb.

Milli.Az report-a istinadən xəbər verir ki, bu barədə Livanın səhiyyə naziri Firas Abyad bildirib.

"İsrailin Livanın cənubuna hücumu nəticəsində ölənlərin sayı 274 nəfərə çatıb, 1 024 nəfər isə yaralanıb", - o qeyd edib.

-------

18:17

İsrail ordusu Livanda "Hizbullah" hərəkatının obyektlərinə zərbələr endirib.

Milli.Az qafqazinfo-ya istinadən xəbər verir ki, bu barədə məlumatı "Walla" portalı yayıb.

Bildirilib ki, İsrailin Müdafiə ordusu hücumlara hazırlıq əlamətləri müşahidə etdiyindən hərəkatın obyektlərini vurub.

Livan Səhiyyə Nazirliyi zərbə nəticəsində 300-dən çox şəxsin isə yaralandığını açıqlayıb.

Zərbə nəticəsində həlak olanların sayı 182-yə, yaralıların sayı isə 727 nəfərə çatıb.

Yaralılardan əksəriyyətinin vəziyyətinin ağır olduğu bildirilir. Bununla yanaşı, ölənlərin sayının artacağı istisna edilmir.

Milli.Az
Xəbərlərimizi WhatsApp kanalımızdan da oxuyun