İqtisadiyyat

Nə qızıl, nə də dollar - 2026-nın “sərmayə çempionu”nu açıqlandı

30 Noyabr 2025 20:03

Baxış: 18 217

VTB-də minimal faiz dərəcəsi ilə nağd kredit 9.9%-dən

#İQTİSADİYYAT

Qızıl və Əmtəə bazarı üzrə mütəxəssis İslam Memiş 2026-cı ili "manipulyasiya ili" adlandıraraq xəbərdarlıq edib: "Bu şəraitdə ən çox uduzanlar qısamüddətli al-sat edənlər və qaldıraçlı (leveraged) əməliyyat (investorun özündə olan məbləğdən daha böyük həcmdə ticarət açmasına imkan verən bir sistemdir. Yəni, borc vəsaiti ilə ticarət etmək deməkdir) açanlar olacaq. Qaldıraçlı əməliyyat edənlər batacaq."

Milli.Az xəbər verir ki, Memiş 2026-cı ildə "ilın çempionu"nun nə qızıl, nə də dollar deyil, gümüş olacağını bildirib.

İslam Memiş gümüş bazarına dair gözləntilərini açıqlayaraq oktyabr ayında qeydə alınan tarixi rekordlardan sonra qiymətlərin yeni zirvələrə yüksəldiyini xatırladıb.

Memiş yüksəlişin əsas səbəbinin qızıl-gümüş rasyosunun düşməsi olduğunu deyib:

"11 ayın çempionu gümüş qızılı taxtından endirdi. Rasyonun 67 səviyyəsinə qədər enəcəyini gözləyirəm. Bu da gümüş qiymətlərini daha da yüksəldəcək."

Memiş qısamüddətli texniki düzəlişlərin təbii olduğunu, bunun bazarı sağlamlaşdıracağını bildirib.

Memiş 2026-cı ildə maliyyə bazarlarında kəskin dalğalanmalar olacağını deyir:

"2026 manipulyasiya ili olacaq. Bir ay sərt eniş, bir ay sərt yüksəlişlər olacaq. Bu şəraitdə ən çox uduzanlar qısamüddətli al-sat edənlər və qaldıraçlı əməliyyat açanlar olacaq. Qaldıraçlı əməliyyat edənlər batacaq."

O, 2026-cı il üçün daha uzunmüddətli, riskdən uzaq, sabit strategiyaların seçilməsinin vacibliyini vurğulayıb.

Lalə Qüdrətova
Milli.Az