Dünya

Ərdoğan: "Şimali Kipr Türkiyənin göz bəbəyidir"

20 İyul 2024 22:59

Baxış: 958

VTB-də minimal faiz dərəcəsi ilə nağd kredit 9.9%-dən

#TÜRKİYƏ

"Aralıq dənizinin şərqindəki adadakı reallıqları görməməzliyə vurmaq heç bir nəticə verməyəcək.

Milli.Az publika.az-a istinadən xəbər verir ki, bunu Şimali Kiprin Türk Cümhuriyyətinin paytaxtı Lefkosa rəsmi səfərə gələn Türkiyə Prezidenti Rəcəb Tayyib Ərdoğan anma mərasimində deyib.

"Biz düşünürük ki, Kıbrısla bağlı federal həll mümkün deyil", - o qeyd edib.

Ərdoğan Ankaranın danışıqlara və son nəticədə adada davamlı sülhə və nizamlanmaya nail olmağa hazır olduğunu bildirib. O qeyd edib ki, Kiprin yunan tərəfi özünü adanın yeganə hökmdarı hesab edərək pozulmuş mentalitetə malikdir.

Türkiyə lideri bəyan edib ki, yunan tərəfi adanın Kipr türkləri ilə siyasi gücü və ya təbii sərvətlərini bölüşmək niyyətində olmadığını açıq şəkildə göstərib".

Şimali Kiprin "Türkiyənin göz bəbəyi" olduğunu bəyan edən Ərdoğan Ankara ilə Lefkoşanın 50 ildir "bir ürək, bir bilək"lə birləşdiyini vurğulayıb. O, əlavə edib ki, Türkiyə Şimali Kipr Türk Respublikasının beynəlxalq səviyyədə tanınması və iki dövlətin yaradılması haqqında qərarın həyata keçirilməsi üçün qətiyyətli səylərini davam etdirir.

Milli.Az
Xəbərlərimizi WhatsApp kanalımızdan da oxuyun