Dünya

İsrail Yəməni bombaladı: 3 ölü, xeyli yaralı var - YENİLƏNİB

20 İyul 2024 22:40

Baxış: 1 662

#DÜNYADA #İSRAİL

22:40

İsrail Hərbi Hava Qüvvələrinin Yəmənin Hudeyda şəhərinin limanına hücumu nəticəsində azı 3 nəfər həlak olub.

APA xəbər verir ki, bu barədə "Al Hadath" məlumat yayıb.

Telekanalın məlumatına görə, daha 15 yəmənli yaralanıb.

-------

21:40

"Bir müddət əvvəl qırıcı təyyarələr son aylarda "Ənsar Allah" hərəkatı (husilər) tərəfindən İsrailə qarşı həyata keçirilən yüzlərlə hücuma cavab olaraq Yəmənin Hudeydə limanı yaxınlığındakı hərbi obyektlərə zərbələr endirib".

Milli.Az report.az-a istinadən xəbər verir ki, bu barədə İsrail Ordusu məlumat yayıb.

"The Times of Israel"in yazdığına görə, bu, İsrailin Yəməndəki hərbi obyektləri ilk dəfə bombalamasıdır.

"Al Hadath" telekanalı isə bildirib ki, hava hücumunda "F-35" qırıcıları da daxil olmaqla, İsrail Hərbi Hava Qüvvələrinə məxsus ən azı 12 təyyarə iştirak edib. Belə ki, Hodeyda limanında neft anbarları, şəhərin elektrik stansiyası, eləcə də hərbi polis binası bombalanıb.

Milli.Az
Xəbərlərimizi WhatsApp kanalımızdan da oxuyun