Dünya

Bəzi NATO ölkələri Kiyevdən üz döndərir?

26 İyun 2024 19:49

Baxış: 910

VTB-də minimal faiz dərəcəsi ilə nağd kredit 10.49%-dən

#NATO

Şimali Atlantika Müqaviləsi Təşkilatının bəzi ölkələri Ukraynaya uzunmüddətli yardım öhdəliyi götürmək istəmir.

Milli.Az report.az-a istinadən xəbər verir ki, bu barədə "Bloomberg" mənbələrə istinadən məlumat yayıb.

Qeyd olunub ki, bütün NATO üzvləri 2024-cü ildə Kiyevə ən azı 40 milyard avro məbləğində ümumi yardım göstərməyə razılaşırlar.

Bununla belə, gələcəkdə yardımın göstərilməsi və onun məbləği məsələsi hər il yenidən gündəmə gətirilməli olacaq, çünki bəzi Avropa paytaxtlarında siyasi və hüquqi maneələr Kiyevə bir neçə il ərzində dəstək barədə razılığa gəlməyi çətinləşdirir.

Agentlik mənbələri bildiriblər ki, döyüş meydanındakı mövqe də qərarların qəbulunda mühüm rol oynayacaq. Bundan əvvəl NATO-nun baş katibi Yens Stoltenberq Kiyevə uzunmüddətli yardım üçün ildə 100 milyard dollar (təxminən 94 milyard avro) dəyərində fond yaratmağı təklif etmişdi, lakin bu təşəbbüs NATO ölkələri arasında dəstək tapmayıb. Məbləğ isə az qala 40 milyard dollara (təxminən 37 milyard avro) endirilib.

Milli.Az
Xəbərlərimizi WhatsApp kanalımızdan da oxuyun