Dünya

Həcc zamanı ölən zəvvarların sayı 1300-ü ötdü - YENİLƏNİB

24 İyun 2024 09:11

Baxış: 1 497

#HƏCC

09:11

Həcc zamanı dünyasını dəyişən zəvvarların sayı 1300-ü ötdü.

Milli.Az xəbər verir ki, Səudiyyə Ərəbistanının səhiyyə naziri Fəhd bin Əbdürrəhman Əl-Cəlajel bildirib ki, ölən 1301 nəfərin 83%-i Məkkə şəhəri və onun ətrafında Həcc mərasimlərini yerinə yetirmək üçün uzun məsafələri piyada gedən icazəsiz zəvvarlar olub.

O, ölənlərin Məkkədə dəfn edildiyini açıqlayıb.

------------
21:47

Səudiyyə Ərəbistanında Həcc ziyarəti zamanı dünyasını dəyişən zəvvarların sayı 1 100-ü keçib ki, onların da yarıdan çoxu Misir vətəndaşlarıdır.

Milli.Az lent.az-a istinadən xəbər verir ki, bu barədə TASS-a bir sıra ərəb ölkələrinin Səudiyyə Ərəbistanındakı diplomatik nümayəndəliyindəki mənbələr məlumat verib.

Həcc ziyarəti zamanı 672 misirli zəvvar dünyasını dəyişib ki, onlardan yalnız 31-nə Səudiyyə Ərəbistanı hakimiyyəti tərəfindən xüsusi viza verilib. Qalanları isə zəvvar kimi qeydiyyata alınmayıb və qeyri-qanuni həcc ziyarəti ediblər.

Hazırda 25-i Misir vətəndaşı olmaqla 100-ə yaxın adam itkin düşüb.

Əvvəllər 800-dən çox itkin düşmüş şəxs haqqında məlumat verilib, onların çoxu sonradan yaxınları ilə əlaqə saxlayıb.

Milli.Az
Xəbərlərimizi WhatsApp kanalımızdan da oxuyun