Dünya

Şahramanyan ifşa etdi: Qarabağdakı “ordu” kimə tabe idi?

14 İyun 2024 08:10
Baxış: 777
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xəbər verdiyimiz kimi, ötən gün parlamentdə çıxış edən Ermənistan Baş naziri Nikol Paşinyan keçmiş Qarabağ separatçı dəstəsinin 2 saat ərzində təslim olduğunu və Azərbaycana milyardlarla dollar dəyəri olan silahları işlək vəziyyətdə, döyüş sursatları ilə birgə təhvil verdiyini açıqlayıb.

Milli.Az axar.az-a istinadən xəbər verir ki, Paşinyan bu sözləri deyərkən Azərbaycan Ordusunun 2023-cü ilin 19-20 sentyabrındakı 23 saat 43 dəqiqə davam edən antiterror əməliyyatı və Qarabağdakı separatçıların tam təslim olmasını nəzərdə tutub.

28 sentyabr 2023-cü ildə separatçı və qanunsuz qurumun buraxıldığını elan edən baş separatçı Samvel Şahramanyan isə Paşinyanın bu sözlərinə qarşı çıxıb. O bildirib ki, Qarabağdakı silahlılar heç vaxt müstəqil olmayıb, onlar Ermənistan ordusunun tərkibində fəaliyyət göstərib və Ermənistan Baş Qərargahından da idarə edilib.

O, bu sözlərinə Qarabağdakı separatçıların "təhlükəsizlik şurasının katibi" olmuş Samvel Babayandan sitatı əlavə edib. Belə ki, Babayan da "Qarabağ ordusunun" "son günə kimi Ermənistan hökumətinə tabe olduğunu və Ermənistan Müdafiə Nazirliyinin struktur bölməsi kimi fəaliyyət göstərdiyini" deyib.

"Orada milyardlarla silah qoymağımızla bağlı isə demək istəyirəm ki, Nikol Paşinyan bu silahların kimin balansında olduğunu, onlara kimin cavabdeh olduğunu yaxşı bilməli idi", - Şahramanyan vurğulayıb.

Başqa sözlə, bu vaxta qədər guya "müstəqil fəaliyyət" göstərdiklərini iddia edən Qarabağdakı keçmiş separatçılar Azərbaycan torpaqlarını işğalda saxlayan qüvvələrin məhz Ermənistan ordusu olduğunu, Ermənistandan maliyyələşdiyini, Qarabağdakı bütün silah-sursatın Ermənistan Müdafiə Nazirliyinin balansında olduğunu etiraf etməklə əslində 30 illik yalanlarını ifşa ediblər.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.