Dünya

Ermənistan-Gürcüstan avtomobil yolu hər iki istiqamətdə bağlandı

26 May 2024 10:40

Baxış: 685

#GÜRCÜSTAN #YOL #ERMƏNİSTAN

Ermənistanın Lori rayonunda Debed çayı məcrasından çıxıb və bu səbəbdən Gürcüstana gedən dövlətlərarası yol hər iki istiqamətdə bağlanıb.

Milli.Az report-a istinadən xəbər verir ki, bu barədə Ermənistanın Avtomobil Yolları Departamenti məlumat yayıb.

Qeyd olunub ki, güclü yağışlar nəticəsində yol ciddi zədələnib, sürücülərdən Gürcüstanla sərhədə getmək üçün başqa yollardan istifadə etmələri xahiş olunur.

Eyni zamanda Debed çayı məcrasından çıxaraq Alaverdi kəndindən olan evlərin həyət və zirzəmisini basıb. Vurğulanıb ki, hazırda kənd sakinləri evlərini tərk edə bilmirlər.

"Rusiya Dəmir Yolları" QSC-nin törəmə şirkəti olan "Cənubi Qafqaz Dəmir Yolu" İrəvan-Tbilisi-İrəvan marşrutu üzrə hərəkət edən qatarların hərəkətini baş verən torpaq sürüşməsi səbəbindən ləğv edib.

Milli.Az
Xəbərlərimizi WhatsApp kanalımızdan da oxuyun