Dünya

Kobaxidzeni təhdid etməmişəm - Varhelyi bəyanat yaydı

24 May 2024 07:51
Baxış: 427
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gürcüstanın Baş naziri İrakli Kobaxidze ilə telefon danışığında "Xarici agentlər haqqında" qanundan danışarkən Slovakiyanın Baş naziri Robert Fitsoya qarşı sui-qəsd cəhdini xatırlatdım, lakin sözlərim təhdid ehtiva etmir, onlar kontekstdən çıxarılıb.

Milli.Az axar.az-a istinadən xəbər verir ki, bu barədə Avropa Birliyi Qonşuluq Siyasəti və Genişlənmə üzrə komissarı Oliver Varhelyinin bəyanatında deyilir.

"Gürcüstanın baş nazirinin mayın 23-də verdiyi bəyanatla əlaqədar olaraq, söhbətimizin bəzi hissəsinin kontekstdən çıxarıldığına görə təəssüfləndiyimi bildirmək istəyirəm.

Tiflis küçələrində daha da qütbləşməyə gətirib çıxara biləcək qanun qəbul etməklə onsuz da çox kövrək olan vəziyyəti daha da gərginləşdirməmək zərurətini baş nazirin diqqətini çatdırmaq istədim. Bu kontekstdə Slovakiyada baş vermiş faciəli hadisəni xatırlatdım", - deyə o bildirib.

Qeyd edək ki, Gürcüstanın Baş naziri İrakli Kobaxidze "Xarici təsirin şəffaflığı haqqında" qanunun qəbulu ilə əlaqədar Avropa komissarı tərəfindən təhdidlərə məruz qaldığını açıqlamışdı.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.