Dünya

Bu ölkədə onlarla zəlzələ qeydə alındı: Son 40 ilin ən güclü...

21 May 2024 16:43

Baxış: 1 132

VTB-də minimal faiz dərəcəsi ilə nağd kredit 10.49%-dən

#DÜNYADA #ZƏLZƏLƏ #İTALİYA

İtaliyanın cənubunda, Neapol ərazisində onlarla zəlzələ qeydə alınıb.

Milli.Az oxu.az-a istinadən bildirir ki, bu barədə Milli Geofizika və Vulkanologiya İnstitutu (INGV) məlumat yayıb.

Seysmik təkanlar 20 may tarixində axşam saatlarında qeydə alınıb. Onlar heç bir fəsad törətməsələr də, əhali arasında təşviş yaradıblar.

Regionun paytaxtı Kampaniya yaxınlığındakı vulkanik ərazi olan Fleqrey sahələrində mütəxəssislər 49 təkan qeydə alıblar. İlk zəlzələ 3,5 bal gücündə olub. İkincisi isə yerli vaxtla saat 20:10-da 4,4 bal gücündə olub, ardınca onlarla təkrar təkanlar baş verib.

Alimlərin sözlərinə görə, bunlar son 40 ildə ən güclü təkanlar olub.

Ehtiyat tədbiri olaraq, yerli hakimiyyət orqanları çərşənbə axşamı məktəblərin bağlanacağını açıqlayıblar. Burada müvəqqəti məskunlaşma mərkəzləri yerləşdiriləcək, çünki INGV gecə ərzində yeni təkanların baş verəcəyini istisna etmir.

Milli.Az

Xəbərlərimizi WhatsApp kanalımızdan da oxuyun