İdman

İspaniyada ən bahalı futbolçular AÇIQLANDI: Ardanın qiyməti ARTDI - 100 milyona çatır

14 Dekabr 2025 15:08

Baxış: 3 043

VTB-də minimal faiz dərəcəsi ilə nağd kredit 9.9%-dən

#TRANSFERLƏR #REAL MADRİD #FUTBOL #PRİMERA #REAL #TRANSFER #ARDA GULER

"Transfermarkt" portalı 2025-ci il üçün La Liqa oyunçularının bazar dəyərlərinə son yeniləməni edib. Yenilənmə çərçivəsində İspaniya çempionatında çıxış edən ümumilikdə 493 futbolçunun transfer qiyməti dəyişdirilib.

Milli.Az xarici mətbuata istinadən xəbər verir ki, bu yeniləmədən ən çox qazanan futbolçu "Real Madrid"in gənc ulduzu Arda Güler olub. Onun bazar dəyəri 30 milyon avro artaraq 90 milyon avroya yüksəlib. Fransalı hücumçu Kilian Mbappenin transfer qiyməti isə 20 milyon avro artımla 200 milyon avroya çatıb. Mbappe bu göstərici ilə Lamin Yamal və Erlinq Halandla birlikdə dünyanın ən bahalı üç futbolçusu sırasında yer alır.

"Transfermarkt"ın dekabr ayından sonra açıqladığı məlumata əsasən, La Liqada transfer dəyərində ən böyük artım qeydə alınan oyunçular sırasında Arda Güler ön plana çıxıb.

Digər tərəfdən, son yeniləmədə bəzi futbolçular ciddi dəyər itkisi ilə üzləşiblər. Oyan Sanset, Rodriqo və Cud Bellinqemin transfer qiyməti hər biri üçün 20 milyon avro azalıb. Bundan əlavə, Endrik, Ronald Arauxo, Dani Vivian, Niko Uilyams, Rafinya Dias və Fede Valverdenin dəyəri 10 milyon avro aşağı düşüb.

Dəyərində azalma olmasına baxmayaraq, Cud Bellinqem 160 milyon avro göstərici ilə La Liqanın ən bahalı futbolçuları siyahısında üçüncü pillədə qərarlaşıb. İlk onluqda "Barselona" və "Real Madrid"dən kənar təmsil olunan yeganə futbolçu isə "Atletiko Madrid"in hücumçusu Xulian Alvaresdir.

Bundan başqa, "Transfermarkt" La Liqada indiyədək ən yüksək transfer haqqı ilə alınan futbolçuların siyahısını da açıqlayıb. Siyahıda yalnız "Barselona" və "Real Madrid" klublarının oyunçularının yer alması diqqət çəkib.

Hüseyn
Milli.Az