Dünya

İlk qadın prezident diplomatik böhrana səbəb oldu

13 May 2024 07:55
Baxış: 517
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Şimali Makedoniyanın ilk qadın prezidenti Qordana Silyanovska-Davkovanın andiçmə mərasimi Yunanıstanla diplomatik böhranın yaranmasına səbəb olub.

Milli.Az globalinfo.az-a istinadən xəbər verir ki, bazar günü keçirilən andiçmə mərasimində prezidenti ölkənin adını "Şimali Makedoniya" əvəzinə "Makedoniya" olaraq qeyd edib.

Yunanıstan səfiri Sofiya Filipp andiçmə mərasimini dərhal tərk edib. Yunanıstan Xarici İşlər Nazirliyi daha sonra bəyanat yayaraq, yeni prezidentin hərəkətlərinin iki ölkə arasındakı razılaşmanı pozduğunu və həm ikitərəfli münasibətləri, həm də Şimali Makedoniyanın Avropa İttifaqına üzvlük perspektivlərini təhlükə altına atdığını bildirib.

"Makedoniya" adının işlədilməsi Yunanıstanın ciddi narazılığına səbəb olub. Belə ki, Afina bu adın hələ slavyan xalqlarının əraziyə köç etmədən öncə qədim yunan xalqının yaşadığı, onların məskunlaşdığı qədim Makedoniya tarixinin "Şimali Makedoniya" tərəfindən mənimsənilməsi kimi qəbul edib.

10 ildən artıq davam edən münaqişə 2018-ci ildə bir razılaşmanın imzalanması və ölkənin adının "Şimali Makedoniya" olaraq qəbul edilməsi ilə həll olundu. Yunanıstan bundan sonra Şimali Makedoniyanın Avropa İttifaqı və NATO-ya üzvlüyünə qarşı etirazlarını geri götürdü.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.