Dünya

Qadın məhbus həbsxanada hamilə qalıb: Qohumları "əri" axtarır

13 Yanvar 2024 03:03

Baxış: 1 593

VTB-də minimal faiz dərəcəsi ilə nağd kredit 10.49%-dən

#DÜNYADA #ABŞ #HƏBSXANA

2022-ci ilin iyununda ABŞ-da həbs edilən qadını iki ildən sonra hamilə qalıb.

Milli.Az publika.az-a istinadən xəbər verir ki, bu barədə "NBC News" yazıb.

28 yaşlı Deysi adlı qadın Milad ərəfəsində Turner Guilford Knight İslah Mərkəzindən ailəsinə zəng edərək dörd aylıq hamilə olduğunu bildirib. O, məhbusların zəngləri qeydə alındığı üçün heç bir təfərrüat açıqlamayıb. Bu xəbərdən sonra onun bacısı vəkili ilə birlikdə həbsxana rəhbərliyi ilə əlaqə saxlayıb, baş verənlərlə bağlı izahat tələb edib. Həbsxana rəsmiləri doğulmamış uşağın atasının kimin ola biləcəyi ilə bağlı heç bir şərh verməyiblər.

Qeyd edək ki, kişilər də eyni cəzaçəkmə müəssisəsində saxlanılır, lakin onların kameraları başqa mərtəbədədir. Hazırda məhkumlardan birinin Deysi ilə cinsi əlaqədə ola biləcəyi ehtimal edilir.

Bacısı və vəkili Deysinin hamiləliyinə görə həbsxanadan ev dustaqlığına köçürülməsi üçün mübarizə aparır.

Onların səyləri nəticəsində administrasiya hadisə ilə bağlı araşdırmaya başlayıb. Eyni zamanda, onların dediyinə görə, qadın Miladdan əvvəl mühafizəçilərə hamiləliyi barədə məlumat verməyə çalışsa da, onlar bunu zarafata salaraq gülüblər.

Milli.Az
Xəbərlərimizi WhatsApp kanalımızdan da oxuyun