Dünya

26 yaşlı qız iki "div"ə qalib gəldi - FOTO

25 May 2012 22:44

0 Şərh Baxış: 1 295

VTB-də minimal faiz dərəcəsi ilə nağd kredit 9.9%-dən

#PARAMOUNT PİCTURES CORPORATİON #DREAMWORKS SKG

Məhkəmənin qərarına görə, həmin kinostudiyalar əlil qıza çox böyük məbləğdə təzminat ödəməlidir.

Milli.Az TMZ-ə istinadən bildirir ki, həmin vaxt 24 yaşında olan Qabriella Qedilla "Transformer 3" filminin çəkilişlərində ağır travma almışdı. 2010-cu ilin sentyabrında baş vermiş hadisə zamanı kəsilmiş elektrik kabeli sükan arxasında olan Qabriellanın başına dəyərək onu koma vəziyyətinə salmışdı.

Olay İndiana ştatının Hammond şəhərində baş vermişdi.

Məhkəmənin qərarına görə, bu travmaya görə "Paramount Pictures" və "DreamWorks Studios" kinostudiyaları Qabriellaya 18,5 milyon dollar məbləğində təzminat ödəməlidir.

Qəzada ağır kəllə-beyin travması almış Qabriella helikopterlə ən yaxın hospitala aparılmışdı və ona təcili yardım göstəriləndən sonra cərrahiyyə əməliyyatları başlanmışdı. İndi Qabriella həyatının sonuna qədər ağır travma ilə yaşamalıdır.

Kinostudiyalar nəinki təzminat, hətta müalicə xərclərini belə, ödəmək istəmirdilər.
NBC bildirir ki, buna rəğmən, Kuk Kauntinin məhkəməsi sonadək qətiyyətli olub və kinostudiyaları təzminata vadar edib.

Qabriella indi 26 yaşındadır və həyatının sonunadək bu ağır travma ilə, əlil kimi yaşamalıdır.

"Buna rəğmən, yaxalarını kənara çəkən kinostudiyalara qalib gəldiyimə sevinirəm. Məni təzminatın məbləği qətiyyən maraqlandırmır. Əsas məsələ ədalətin yerini tapması idi", - Qabriella deyib.

Milli.Az

Böyütmək üçün şəkillərə klikləyin.